De mestiers, son gaire gaire, una ponhada pas mai, beleu que fa pas mestier mai...L'un baileja, fa ofici de pòrcfect, es lo Rei dau Bòsc de Filicàs, aqueu fòrça que quand caga, l'autre, son ajonh,  lo metge es aqui per lei maganhas qu'un metge de còp fa pas fauta en mitan isolat, puèi l'a leis equipas : lei dieselistas per faire lume o lei meteòs per regardar lo nivolum, lei maçons que fan de betum, lei geò-fisicians que fan de mesuras de tot un fais de causas o encara aquelei que s'entrevan dei transmissions e lo pareu de cosiniers que son de lònga en aias a la calor de sei forneus...Per completar lo tableu, de cadun d'aquelei mestiers, n' i a qu'un : lo fornier, lo fustier, lo maselier, lo plombier, l'òrnito, l'electrician, lo magasinier, lo serviciau , lo garagista e lo menaire dei trabalhs publics. Vaqui toei leis especialitats deis ivernants. Pas mai !